Хонгор сумын 3-н багийн 120 гаруй малчныг хамруулсан зөвлөгөөнийг өнөөдөр сумын соёлын төвд зохион байгууллаа. Зөвлөгөөнд сумын ИТХ, ЗДТГ , Мал эмнэлэг үржлийн тасаг, аймгийн ХХААГазар болон мал аж ахуйн салбар, газар тариалан эрхлэгчид хамрагдсан юм. Сумын мал аж ахуйн салбарын цаг үеийн мэдээлэл, тулгамдсан асуудлыг хэлэлцэх, малчид тариаланчдын санал бодлыг сонсох, сумын бодлого шийдвэрийг танилцуулах зорилгоор дээрх зөвлөгөөнийг зохион байгууллаа. Зөвлөгөөнөөр сумын мал аж ахуйн салбарын өнөөгийн байдал болон цаашдын зорилт зорилго, эрчимжсэн мал аж ахуйн чиглэлээр хийгдсэн ажил болон цаг үеийн холбогдолтой мэдээллийг малчдад өглөө. Мөн аймгийн статистикийн хэлтсээс мал тооллогын талаар мэдээллийг өгсөн бол ХХААГ-ын ерөнхий агрономич Н.Нэмэхбат ХХААХҮС, ХЗДХСайд, Сангийн сайдын хамтарсан 2018 оны 210 дугаар тушаал болох Тариалангийн талбайд мал, тэжээвэр амьтан орсны улмаас тариалангийн үйлдвэрлэл эрхэлэгчдэд учруулсан хохирлыг тооцох аргачлалын талаар сургалт явууллаа. Уг зөвлөгөөний үеэр малчид, тариаланчдын өмнө тулгамдаж байгаа асуудлуудыг сонсож түүнийг орон нутгийн түвшинд шийдвэрлэх, хэрэгжүүлэх арга замын талаар хэлэлцлээ.