Дархан-Улаанбаатар чиглэлийн авто замын 5 дахь хэсэг буюу Дархан хотын тойргоос Хонгор сумын Цайдам хүртэлх 30,5 км авто замын байгууламжийн барилгын ажил явагдаж байна. Ерөнхий гүйцэтгэгчээр Чайна жоу инженеринг компани ажиллаж байгаа ч Коронавирусээс шалтгаалан инженер техникийн ажилтан, операторууд нь ирж чадаагүй байна. Гэсэн хэдий ч Монгол улсын зам барилгын 4 аж ахуй нэгж туслан гүйцэтгэх гэрээний дагуу 2020 оны 04 дүгээр сарын 04-ний өдрөөс зам засварын ажлаа эхлүүлсэн. Өнөөдрийн байдлаар далан байгуулах, бетон суурьтай ул хийх, үерийн усыг зайлуулах бетон хоолойг суурилуулах, гурван үеийн цементээр бэхжүүлсэн суурин далангийн ажлууд хийгдэж байна.