ЭРСДЛЭЭС ХАМТДАА СЭРГИЙЛЖ

ЭРҮҮЛ МЭНДЭЭ ХАМГААЛЪЯ УРИАЛГА

Хүн төрөлхтөний түүхэнд хүнд сорилттой тулгарсан энэ цаг үед цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулахад төр засаг оновчтой зөв бодлого гаргах, иргэд, олон нийт иргэний үүргээ хариуцлагатайгаар биелүүлэх нь хамгийн чухал болоод байна.

- Нутгийн зон олон та бүхнийг улсын онцгой комисс, аймгийн онцгой комиссын шийдвэр, эрүүл мэндийн байгууллагын зөвлөмжийн дагуу халдвараас урьдчилан сэргийлж, дархлаагаа дэмжих

- Үндэсний уламжлалт “САР ШИНИЙН БАЯР”- ыг өргөн тэмдэглэхгүй зөвхөн гэр бүлийн хүрээнд Монгол уламжлалт ёс заншил, зан үйл, өв соёлоос суралцан, үр хүүхдүүдээ сургах, түгээн дэлгэрүүлэх

 - Аж ахуйн нэгж хувийн хэвшлийн байгууллагууд өргөн хэрэглээний барааны үнийн өсөлт, хөөрөгдлийг бий болгохгүй байх

- Эрсдэлтэй бүсээс ирсэн иргэд, түүний гэр бүлийн гишүүд гэрийн тусгаарлалтын дэглэмийг чанд сахих, шаардлагагүй бол гэрээсээ гарахгүй байх,

- “Сүү өргөж хүндэтгэл үзүүлэх” уриалгыг хэрэгжүүлж архи согтууруулах ундааны хэрэглээнээс татгалзах зэргийг  УРИАЛЖ байна.

АЙМГИЙН ИРГЭДИЙН ТӨЛӨӨЛӨГЧДИЙН

ХУРЛЫН ТЭРГҮҮЛЭГЧИД