АЙМГИЙН ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛӨӨС Гэр бүлийн хүчирхийлэл, түүний хор уршгийн талаарх иргэдийн мэдлэгийг дээшлүүлж, гэр бүлийн хүчирхийлэл үйлдэгч болон хүчирхийлэлд өртөгчийн зан төлөвийг өөрчлөх хүчирхийллийг үл тэвчих, нийгмийн хандлагыг төлөвшүүлэх, нуугдмал гэмт хэрэг, зөрчлийг илрүүлэх, хохирогчийн эрх, хууль ёсны ашиг сонирхлыг хамгаалах, зөрчигдсөн эрхийг сэргээхэд дэмжлэг үзүүлэхэд төрийн болон төрийн бус байгууллага, иргэдийн оролцоог нэмэгдүүлэх зорилгоор “МЭДЭЭЛЬЕ, ИРҮҮЛЬЕ, ЗОГСООЁ” соён гэгээрүүлэх сарын аяныг 2021 оны 03 дугаар сарын 01-ний өдрөөс 04 дүгээр сарын 01-ний өдөр хүртэл зохион байгуулахаар боллоо.

Завхан аймагт сүүлийн 5 жилд дунджаар цагдаагийн байгууллагад 250 орчим гэмт хэрэг бүртгэгдсэний 6 орчим хувь нь гэр бүлийн хүчирхийлэл үйлдэх гэмт хэрэг, 1100 орчим зөрчил бүртгэгдсэний 10 орчим хувь нь гэр бүлийн хүчирхийлэл үйлдэх зөрчил эзэлж байна