Аймгийн ИТХ-ын Зөвлөл 2024 оны 02 сарын 19-ний өдөр 85.7 хувийн ирцтэй хуралдлаа. Хурлыг ИТХ-ын дарга Н.Тамир удирдан явуулж, хуралд Зөвлөлийн гишүүд Д.Мягмардорж, Б.Төрмөнх, Д.Бямбацогт, П.Даваадэмбэрэл, А.Болормаа, ИТХ-ын нарийн бичгийн дарга С.Болдбаатар, Зохион байгуулалт, олон нийттэй харилцах хэлтсийн дарга Д.Үнэнхүү нар оролцов.

Хурлаар:

1. Аймгийн Мал эмнэлгийн газрын мэдээлэл

2. Хөрөнгө актлах, балансаас балансад шилжүүлэх тухай

3. Аймгийн хэмжээнд ахуйн зориулалтаар агнах, барих амьтны хуваарь

4. ИТХ-ын Зөвлөлийн 2024 оны үйл ажиллагааны тухай зэрэг 4 асуудлыг хэлэлцэв.

Мал эмнэлгийн газрын мэдээллийн сонсож, аймгийн Онцгой комиссд тэмдэглэлээр санал хүргүүлэх, 3 байгууллагын 80.487.576,40 төгрөгийн үнэ бүхий хөрөнгийг актлах, 35.600.000 төгрөгийн хөрөнгийг балансаас балансад шилжүүлэх ИТХ-ын даргын Захирамж гаргах, Аймгийн хэмжээнд ахуйн зориулалтаар агнах, барих амьтны хуваарийг ИТХ-ын хуралдаанаар хэлэлцүүлэн батлуулахаар шийдвэрлэлээ.