Цагаан-Уул, Бүрэнтогтох, Арбулаг, Цэцэрлэг сумдын ИТХ, ЗДТГ-ын төрийн албан хаагчдын туршлага солилцох уулзалт, сургалт. нөхөрсөг уралдаан тэмцээн 2024 оны 9 сарын 14нд Цэцэрлэг суманд амжилттай зохион байгуулагдлаа.
Энэ удаагийн туршлага судлах арга хэмжээ Цэцэрлэг суманд зохион байгуулагдаж Улсын тусгай хамгаалтын газраас мэдээлэл хийсэн нь онцлог байлаа.
УИХ-ын 2019 оны 41 дүгээр тогтоолоор Хөвсгөл аймгийн Цагаан-Уул, Цэцэрлэг, Шинэ-Идэр, Бүрэнтогтох сум, Завхан аймгийн Тэлмэн, Их-Уул сумын нутгийг дамнан орших "Тэсийн гол Булнайн нуруу"-г байгалийн цогцолборт ангилалаар 369,630,89 га газрыг тусгай хамгаалтад авсан байна. Хөвсгөл аймгийн Цэцэрлэг сум 136343 га, Цагаан-Уул сум 106294 га, Бүрэнтогтох сум 31928 га, Шинэ-Идэр сум 7080 га газрыг тус тус хамгаалтад авчээ. Тусгай хамгаалттай газар нутгийн тухай хуулийн сумын Иргэдийн Төлөөлөгчдийн Хурлын бүрэн эрх, сумын Засаг даргын эрх үүрэг, Байгаль орчныг хамгаалах тухай хууль, ойн тухай хууль, Байгалийн нөөц ашигласны төлбөрийн тухай хуулийн сумын Засаг даргын эрх үүрэг тус тус танилцуулсан.
Мөн нөхөрсөг тэмцээний хувь волейбол, дартс, шатар, даам, буухиа тэмцээнийг амжилттай зохион байгууллаа. Үүнээс цэрэгжсэн буухиа тэмцээнийг хилийн заставын албан хаагчидтай хамтран зохион байгуулсан нь илүү онцлогтой боллоо.
