Гамшгаас хамгаалах тухай хуулийн 23 дугаар зүйлийн 23.2-т Гамшгийн эрсдэлийг бууруулах орон нутгийн зөвлөлийг тухайн шатны ИТХ-ын дарга тэргүүлнэ хэмээн заасан байдаг.
Аймгийн Онцгой байдлын газрын дарга Ө.Болд тэргүүтэй албаны хүмүүс аймгийн ИТХ-ын даргатай уулзлаа. Уулзалтаар Гамшгийн эрсдэлийг бууруулах орон нутгийн зөвлөлийн үйл ажиллагаа, төлөвлөгөөний хэрэгжилтийн явц, цаашид авч хэрэгжүүлэх арга хэмжээний талаар ярилцав.
Уулзалтаас гамшгийн эрсдэлийг бууруулах орон нутгийн зөвлөлийг газар хөдлөлтийн байнгын ажиллагаатай зөвлөлтэй хамтатган ойрын хугацаанд хуралдуулах шийдвэрийг гаргалаа.
