Аймгийн иргэдийн Төлөөлөгчдийн Хурлын Нутгийн удирдлагын хөгжлийн хорооны хурал танхим, цахим хосолсон хэлбэрээр 100 хувийн ирцтэй зохион байгуулагдлаа.

Хурлыг аймгийн ИТХ-ын дарга, тус хорооны дарга Б.Санжсүрэн удирдан явуулав.

Хурлаар тус хороо 2025 оны төлөвлөгөөгөө баталж, аймгийн ИТХ-ын 2023 оны 82 дугаар тогтоолоор батлагдсан “Архигүй Завхан амгалан амьдрал хөтөлбөр”-ийн хэрэгжилтийн явцтай танилцлаа.

Хорооны гишүүд хөтөлбөрийн хэрэгжилт хангалтгүй байгааг дурдаад хөтөлбөрийг орон нутгийн хэмжээнд зохион байгуулах орон тооны бус зөвлөлийн бүрэлдэхүүнийг шинэчлэн, хөтөлбөрийг хэрэгжүүлэх арга хэмжээний төлөвлөгөө боловсруулан ИТХ-ын зөвлөлийн хуралд хэлэлцүүлэхийг холбогдох албан хаагчдад үүрэг болголоо.