Аймгийн иргэдийн Төлөөлөгчдийн Хурал, аймгийн Эрүүл мэндийн газар хамтран “Эрүүл Завханчууд хөтөлбөр”-ийн хэлэлцүүлгийг өнөөдөр (2025.03.12) хоёр дахь удаагаа амжилттай зохион байгуулж, хөтөлбөрийн төслийг Эрүүл мэндийн газрын Нийгмийн эрүүл мэндийн төвийн дарга Г.Дашдаваа танилцуулан хэлэлцүүллээ.
Хэлэлцүүлэгт иргэд, иргэний нийгмийн байгууллагуудын төлөөлөл нийт 42 хүн оролцов.
Хэлэлцүүлэгт оролцсон иргэд хөтөлбөрийн төсөлд саналаа илэрхийлж тус хөтөлбөрт Нийгмийн эрүүл мэнд, орчны эрүүл ахуйн чиглэлээр заалт оруулах, мөн иргэн хүн эрүүл байхын тулд өөрсдөөс хамаарах юу хийх ёстой талаар нэг бүлэг сэдэв оруулах гэх зэрэг ач холбогдол бүхий олон саналууд гаргалаа.
Цаашид иргэдийн хэлсэн саналыг тусган хөтөлбөрийн төслийг аймгийн ИТХ-ын Нийгэм, цахим бодлогын хөгжлийн хорооны хурал, зөвлөлийн хурлаар хэлэлцүүлэн ИТХ-ын хуралдаанаар батлуулах юм.
