Өнөөдөр(2025.03.20) аймгийн ИТХ-ын Зөвлөлийн хурал танхим, цахим хосолсон хэлбэрээр 85,7 хувийн ирцтэй зохион байгуулагдлаа.

Хурлаар Завхан аймгийн Боловсролын шинэ сэргэлт хөтөлбөрийн төсөл, Мал эмнэлгийн ажил үйлчилгээний үнэ тариф шинэчлэн тогтоох тухай, Эрүүл Завханчууд хөтөлбөрийн төсөл, Хөрөнгө актлах, балансаас балансад шилжүүлэх, доод үнэ тогтоох тухай, ИТХ-ын зөвлөлийн 2025 оны үйл ажиллагааны төлөвлөгөөг хэлэлцэн батлах зэрэг асуудлуудыг хэлэлцэв.

Аймгийн иргэдийн Төлөөлөгчдийн Хурлаас боловсрол, эрүүл мэнд, хөдөө аж ахуйн чиглэлээр дунд хугацааны бодлогын баримт бичиг батлан ажиллах зорилтыг тавин ажиллаж байна.

Энэ хүрээнд “Боловсролын шинэ сэргэлт”, “Эрүүл Завханчууд” “Аймгийн Хүнс хөдөө аж ахуйн салбарыг дэмжих хөтөлбөр”-ийг холбогдох мэргэжлийн байгууллагуудаас боловсруулан аймгийн ИТХ-тай хамтран анхан шатны хэлэлцүүлгүүдийг тус бүр 2-3 удаа зохион байгуулж ажилласан.

ИТХ-ын Зөвлөлийн өнөөдрийн хурлаар “Боловсролын шинэ сэргэлт”, “Эрүүл Завханчууд” хөтөлбөрийн төслийг хэлэлцэж хөтөлбөрүүдийн зорилтод арга хэмжээг илүү тодотгож, нягтлан сайжруулах шаардлагатай байна хэмээн дүгнэж, зөвлөлийн хуралд дахин танилцуулахыг үүрэг болголоо.