Өсвөрийн шатарчдын Улсын аварга шалгаруулах тэмцээн 2025.03.14-2025.03.16-ны өдрүүдэд Улаанбаатар хотноо зохион байгуулагдсан. Энэхүү тэмцээнд 6 хүртэлх насны ангилалд Завхан аймгийн Улиастай сумын 2-р цэцэрлэгийн суралцагч Б.Энхмэнд тэргүүлж Монгол Улсын аварга шатарчин хэмээх цолыг хүртсэн түүхэн амжилтыг үзүүлсэн.

Аймгийн ИТХ-ын дарга Б.Санжсүрэн Улсын аварга Б.Энхмэнд охиныг хүлээн авч уулзаж, хүндэтгэл үзүүллээ.

Б.Энхмэнд охин шатрын спортын “Шинэ эхлэл” клубт суралцдаг бөгөөд тэрээр өвөөтэйгөө шатар их тоглодог, цаашид шатрын спортын амжилтаа улам илүү ахиулж Монгол Улсынхаа нэрийг дэлхийн хэмжээнд гаргах мөрөөдөлтэй хэмээн хуучиллаа.

ИТХ-ын дарга Б.Санжсүрэн цаашид аймаг орон нутгийнхаа нэрийг улс, тив, дэлхийн хэмжээнд гаргаж спортын амжилт үзүүлж буй хүүхэд залуусаа дэмжиж, хамтран ажиллахаа илэрхийллээ.