Аймгийн Хурлын хот суурин, дэд бүтцийн хөгжлийн хорооны хурал 2025 оны 07-р сарын 31-ний өдөр танхим болон цахим хосолсон хэлбэрээр зохион байгуулагдаж, Хурлын хорооны дарга Д.Уужимсанаа удирдан явуулав.

Тус хурлаар “Тээврийн хэрэгслийг түр саатуулах хашаа / байр / ажиллуулах төлбөрийн хэмжээг тогтоох тухай” аймгийн иргэдийн Төлөөлөгчдийн Хурлын 2018 оны 42-р тогтоолыг хүчингүй болгох тухай Замын цагдаагийн тасгийн ахлах зохицуулагч, ахлах дэслэгч Ж.Гантулга танилцуулан хэлэлцүүлэв.

            Хороо уг асуудлыг хэлэлцээд “Тээврийн хэрэгслийг түр саатуулах хашаа / байр / ажиллуулах төлбөрийн хэмжээг тогтоох тухай” иргэдийн Төлөөлөгчдийн Хурлын 2018 оны 42-р тогтоолыг хүчингүй болгохыг хойшлуулах, сумдын иргэдийн Төлөөлөгчдийн Хуралд Замын хөдөлгөөний аюулгүй байдлын тухай хуульд заасны дагуу “Тээврийн хэрэгслийг зөөж шилжүүлэх, тээврийн хэрэгслийг түр саатуулах хашаа / байр / ажиллуулах шийдвэр гаргах, төлбөрийн хувь хэмжээг тогтоох” захиргааны акт шийдвэр гаргах чиглэл зөвлөмж өгөхөөр тэмдэглэлээр шийдвэрлэв.