ХАМТЫН АЖИЛЛАГААНЫ САНАМЖ БИЧИГ
БАЙГУУЛАВ.
Монголын Нутгийн Удирдлагын Нийгэмлэг нь Монгол улс дахь Нутгийн
удирдлагын байгууллагуудын чадавхийг бэхжүүлэх, хоорондын харилцаа, хамтын
ажиллагааг хөгжүүлэх, Иргэдийн Төлөөлөгчдийн Хурлын үйл ажиллагаа, шийдвэр
тогтоолыг иргэдэд сурталчлах, орон нутгийн бодлого, шийдвэр гаргах түвшинд
иргэдийн оролцоог хангаж ажиллах, олон улсын, үндэсний болон бүсчилсэн
хөтөлбөрүүдийг хэрэгжүүлж ажиллах, Төлөөлөгч, ажилтнуудын мэдлэг, ур чадварыг
дээшлүүлэх чиглэлээр хамтарч ажиллах зорилгоор Баян-Өлгий аймгийн
Иргэдийн Төлөөлөгчдийн Хуралтай хамтын ажиллагааны санамж бичигт гарын үсэг зурлаа.
Баян-Өлгий аймгийн Иргэдийн
Төлөөлөгчдийн Хурлын дарга Б.Лазатхан Монголын Нутгийн Удирдлагын Нийгэмлэгийн байраар
зочлон, нийгэмлэгийн үйл ажиллагаатай танилцан, цаашид хамтран хэрэгжүүлэх
ажлуудынхаа талаар санал солилцлоо.
МОНГОЛЫН НУТГИЙН УДИРДЛАГЫН НИЙГЭМЛЭГ
