Монголын Нутгийн Удирдлагын Нийгэмлэг нь Нийслэлийн Засаг Даргын Тамгын Газартай хамтран “Нутгийн удирдлагын манлайлагчид” төслийг Нийслэлийн 9 дүүргийн хороодын Иргэдийн Нийтийн Хурлын дарга, тэргүүлэгчдийн дунд зохион байгуулж байгаа юм. Өнөөдрийн байдлаар Багануур, Багахангай, Сүхбаатар, Баянгол, Хан-Уул, Налайх, Сонгинохайрхан гэсэн 7 дүүргүүдэд амжилттай зохион байгуулсан.
2015 оны 06 сарын 23,24-ны өдрүүдэд Баянзүрх дүүргийн Иргэдийн Нийтийн Хурлын дарга тэргүүлэгчидийн дунд зохион байгуулах 2 өдрийн сургалтаа дүүргийн Иргэний танхимд амжилттай зохион байгууллаа.
Уг сургалтаар Сошиал медиа стратеги ба арга техник, Иргэдийн Нийтийн Хурлын зохион байгуулалтын асуудлууд, сайжруулах арга зам болон орон нутгийн шийдвэр гаргах түвшинд иргэдийн оролцоог нэмэгдүүлэх сайн туршлага зэрэг нэн шаардлагатай байгаа асуудлуудыг хөндөж сургалтанд оролцогчид санал бодлоо илэрхийлсэн үр дүнтэй сургалт болж өндөрлөлөө.
Иргэдийн Нийтийн Хурлын дарга, тэргүүлэгчид өөрсдийн ажилд гардаг хүндрэлтэй асуудлуудыг гарган ирж арга замыг эрэлхийлэн санал солилцож шийдвэрлэх албан байгууллагуудад саналаа хүргэн ажил болгохыг хичээншүйлэн хүсч байлаа.
МОНГОЛЫН НУТГИЙН УДИРДЛАГЫН НИЙГЭМЛЭГ
